Siyasi Yuxu

            Hərdən özümə qıraqdan baxanda qəribə olduğumu hiss edirəm. Yolda, avtobusda, metroda, universitetdə, hətta evdə belə yad, qərib olduğumu dərk edəndə həm sevinirəm, həm kədərlənirəm. Kədərlənirəm ki, hamı ilə anlaşa bilmirəm, müsahib ola biləcəyim adam tapmaqda çətinlik çəkirəm. Sevinirəm ki, çox vaxt qəribə, sıradan olmayan hadisələrlə qarşılaşıram, qəribə yuxular görürəm. Son vaxtlar yuxu xəzinəm xeyli zənginləşib. Məsələn, Necati Şaşmazın( Polat Alemdar) Nizami küçəsində dönər satması, Cavid Ağanın saqqalsız olması, Əli Əkbərin üstümə bıçaq çəkməsi kimi rəngarəng yuxular. Bəzən də yuxularıma mifik oAvropasında bir yerlərdəyəm. Şəhərdə hər şey dəyib birbirinə, hər tərəf tüstü dumandı, hamı ora bura qaçır. Kimi dayandırıb soruşmaq istəyirəm ki, nə baş verir heç kim dayanmır. Gördüm cavab verən ol əjdahanı oyadıb, nəyimiz var, nəyimiz yox, hamısını məhv edəcək. Onda başıma dəydi ki, qara camaat əlindəki üç-beş qəpiyi əjdahanın əlinə verməmək üçün ora-bura

qaçır. Qabağıma məqsəd qoydum ki, gedib o əjdahanı öldürəcəm. Özümlə muşket götürdüm, atımı mindim çaparaq əjdahanın gəldiyi tərəfə üz qoydum. Yolda saçı saqqalına qarışmış, paltarı nimdaş vəziyyətdə olan qoca bir kişi dayanmışdı.  Əlində yarısı boşalmış pivə butulkası və qalın bir kitab var idi. Onun yanında dayandım və ağsaqqala məqsədimi açıqladım. Qoca mənə bizim nəsihət verən ağsaqqalarımızdan fərqli bir nəzərlə baxırdı . Gözlərindən ürəyinin yandığı hiss olunurdu. Əlindəki kitabı mənə uzatdı “ Əjdahanı öldürməyin tək yolu bu “silah”dan istifadə etməkdir” dedi.

            Həyatımda bu qədər qəribəlik yaşayıram, amma bir şey heç vaxt dəyişmir. Hər gün saatın zənginin yuxularımı yarımçıq qoyması. Yuxudan oyanandan sonra, gördüyüm röyalar haqqında düşünməy, yuxularımın alt şüurumdakı hansı qalıqlardan törədiyini analiz etməyi xoşlayıram. Deməli belə nəticəyə gəldim ki, Adam Smit “Gözəgörünməz əl” kimi əjdaha bir nəzəriyyəni ortaya atıb yatmış zənginləri oyadır. Camaat da üç-beş qara qəpiyini özündə saxlamaq üçün ora-bura qaçır ki, bəlkə bir çarəsi tapılar. Deməli mən də orda hansısa inqilabçı obrazında idim. Əjdahanı öldürməyə cəhd edən inqilabçı. Bizim çay içib, muğam dinləyib, nəsihət verməyi əla bacaran ağsaqqallardan fərqli baxışlarla mənə baxan da yəqin ki, Karl Marks olar. Əlindəki kitab da “Kapital”. Marks o vaxt da demişdi, indi də deyir ki, “əjdaha”nın axırına  “Kapital” çıxacaq.

            Qəribə, qeyri adi yuxular görmək yaxşıdır. Amma qorxuram ki, sabah tutub basarlar içəri ki, sən siyasi fəaliyyətlə məşğulsan, hakimiyyət çevrilişi etmək üçün planlar qurursun, hələ bir Marksdan kitab da alırsan. Hər səhər duranda şükür edirəm ki, cərimələrin bu qalxan vaxtında aksiya, mitinq görmürəm....